Udal artxiboa

Helbidea - Azkoitiko Udala, Herriko Plaza z/g, 20720 Azkoitia
Telefonoa - 943 080 080 / 943 85 71 75
E-posta - Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Ordutegia - Astelehenetik ostiralera, 9:30 - 13:30

Azkoitiko Udal Artxiboan, Udalak bere eginbeharretan eta herritarrekin eta beste erakundeekin dituen harremanetan sortu eta jasotzen dituen dokumentuak gordetzen dira.

Udaletxeko 3. solairuan dago kokatua, bai arreta bulegoa, kontsulta gunea, eta bai dokumentu-gordailua bera ere. Honek, 450 bat metro lineal hartzen ditu gutxi gorabehera gaur egun.

Udal Artxiboaren dokumentu funtsa, bi atal edo azpi-funtsetan dago bereizia. Alde batetik Funts Historikoa, eta bestetik Funts Garaikidea edo Administratiboa deritzona.

Funts Historikoak, artxiboan gordetzen den dokumentu zaharrenetik (XIV. mendeko hiribilduaren fundazio karta), XX. mende erdialdera arteko (1960) dokumentuak biltzen ditu. Dokumentazio aberatsa, bere zatirik handienean, digitalizatuta dagoena. Hauen artean daude, herriko ordenantzak, kaparetasunak edo hidalgiak, plenoetako akta-liburuak eta beste hainbat eta hainbat dokumentu.
Artxibo Administratiboan edo Funts Garaikidean, azken 50 urtetako dokumentazioa biltzen da.

Artxiboak, izaera publikoko udal zerbitzua izaki, dokumentuen kontsulta librea eta erreprodukzio zerbitzua eskaintzen ditu, indarrean dauden euskal ondarearen legeak eta datu pertsonalen babesa ziurtatzen dutenak xedatutakoaren arabera.

LOTURA INTERESGARRIAK

Badator Euskal Autonomia Erkidegoko artxiboetako dokumentuak kontsultatzeko sistema da. Zerbitzu publikoetakoak nahiz partikularretakoak, non 400 artxibo-funtsetan baino gehiagotan bildutako 550.000 dokumentuen erreferentziak eskuratu daitezken. Lotura http://dokuklik.snae.org/default.php
Euskal Autonomia Erkidegoko hiru lurraldeetako biztanleen errolda historikoa (1500-1900). 1900 arte bataiatu, ezkondu eta hil direnen idazkun guztiak (5.600.000 agiri). Lotura: http://dokuklik.snae.org/sacramentales.php
Artxibategi, Liburutegi eta Dokumentazio Zentroetako profesionalen euskal elkartea. Lotura: http://www.aldee.org/eu/

PAKO PAKOREN DOKUMENTUAK

Pako pako udal artxibategian saltseatzen ari da azkenaldian eta bertan aurkitutako dokumentu berezi, bitxi eta kuriosoenak ekarriko dizkigu hilero. Klikatu irudia eta deskubritu Azkoitiaren historia, bere dokumentuen bidez.