Ikuskizunen artean, abenduaren 11n, “Harritzearen Abilezia” aurkeztuko du Hodei Magoa konpainiak. Magoen dilemaz hitz egingo duen ikuskizuna da.
Abenduaren 17an, Kids&Us-en ingelesezko emanaldia taularatuko dute eta urtarrilaren 3an, Trokolo Teatrok Txus&Txu antzezlana eskainiko du.
Ikuskizunak doan izango dira.
Negune Bai eta Gazte Astea
Urtarrilaren 2tik 5era, Negune Bai egitarauaren baitan, hainbat ekintza egingo dira Abarketatxo Ludotekan, eta egun berdinetan, Gazte Astea ospatuko da Artxamendi Topalekuan. Sukaldaritza edota gabonetako apaingarriak egiteko lantegiak, ibilaldia patinatzera, futbito txapelketa, patata tortilla lehiaketa, gynkana, eta beste hainbat jarduera izango dituzte.
Ikastaroak
Eskaintzaren barne, adin tarte ezberdinei zuzenduta, hainbat ikastaro daude. Besteak beste, bideo-jokoen programazioa, briko saioak, marrazekta, birziklatze lantegia, arteterapia edota sukaldaritza. Kirola praktikatzeko aukera ere badago. Aerobika, yoga, eskalada edota pilates, besteak beste.
Ondorengo eskuorrian duzue ekintzen eta izen emateen inguruko informazio guztia: EGUBERRI OPORRALDIA (pdf)
Izen ematea: www.elkarguneazkoitia.eus