“Guztiok dakigu zer nolako gogorra izaten ari den egoera pandemia dela-eta. Iaz ezin izan genuen 3x3 Futbol Festa antolatu eta ezta aurten ere guk nahi genuen datetan. Egoerak hobera egin duenez, Futbol Festa antolatzera animatu gara”, dio Meliton Rodriguez antolatzaileak.
Dagoeneko 60 taldek eman dute izena, 300 bat haurrek hain zuzen. Izena emateko azken eguna urriaren 10a da eta antolakuntzak horretara animatu nahi ditu oraindik izena eman ez duten gaztetxoak. Zazpigarren edizioa izango da aurtengoa.
Beste behin, Azkoitiko, Azpeitiko, Errezilko, Zestoako, Zumaiko, Getariko, Zarauzko, Urretxuko, Zumarragako eta Legazpiko haurrek hartuko dute parte, urriaren 30ean, 31n eta azaroaren 1ean egingo den Futbol Festan.
Antolakuntzak bere esker ona adierazi dio Azkoitiko Udalari eta urtez urte ekimena aurrera ateratzen laguntzen dieten babesleei.
Izen-ematea: Ñam-ñam gozotegian eta Plaza Berri Sport-en.
