Herritar eta zaletuentzat poz iturri da Iraurgi Saskibaloi taldea askotan eta asteburu honetan ere gogotik saiatuko dira jokalariak txaloak irabazten. Emakumezkoen taldeak Challenge ligan jokatzen du eta larunbatean Granadan dute partida. Gorputzaldi onarekin daude, Euskal Kopa irabazi eta gero. Juaristi ISB taldeak, berriz, Euskal Kopa jokatuko du Azpeitiko kiroldegian Zornotza eta Acunsa Donostia Gipuzkoa Basket taldeen aurka. Gaur egin dute aurkezpena Loiolan eta bertan izan da babesa erakusteko eta animoak emateko Angel Martin kirol zinegotzia.
Urrezko LEB ligara igoera lortuta, indarrean daude Juaristi ISBko mutilak. “Ziur, harro egoteko moduko lana egingo dutela”, esan du Jose Luis Zubizarreta zuzendariak.
Euskal Kopako partiduak ostiralean, larunbatean eta igandean jokatuko dira.
Inaziotar bidea ere hizpide izan dute Iraurgi Saskibaloiko arduradunek. Aurkezpena Loiolan egitearen arrazoia jesuitek saskibaloiaren alde egindako lan eskergari aitortza egitea dela adierazi du Maier Lazkanok, klubaren lehendakariak.
