Azaroaren 13an, RO eta Ramona's First Evil Boyfriend taldeek kontzertua emango dute Baztartxo antzokian. Hasierako kantari gisa hartuko du parte Ramona's First Evil Boyfriend taldeak, eta ondoren, RO taldeak joko du. Azkoitiko eta Azpeitiko musikariez osatutako taldeak Hiriko Soinuak lehiaketako sari nagusia erdietsi berri du.
Kontzertua, 13an, arratsaldeko 18:00etan hasiko da. Ordu horretan joko du Ramona's First Evil Boyfriend taldeak eta 19:00etatik aurrera izango da oholtza gainean RO taldea.
Sarrerak salgai daude www.azkoitia.eus/agenda loturan edo www.entradium.com atarian. Egunean bertan, leihatilan ere eskuragarri egongo dira bost eurotan.
RO, post rock instrumentaleko taldea, Gorka Alcaldek, Josu Usobiagak, Iñigo Gonzalezek, Mikel Iraetak eta Iker Amenabarrek osatzen dute.
Ramona's First Evil Boyfriend taldea, berriz, konfinamendu garaian sortu zuten Andrea Pozo eta Jose Mari Unanue bikoteak.
