Munibe Arkeologia Taldeak bisita gidatuak egingo ditu Ondaregunean
San Martingo kanpaia jotzeko parada izango da datorren ostegunean, hilaren 11n, San Martin egunean. Herritarrek egun osoan zehar izango dute ermitara igo eta kanpaiak astintzeko aukera, usadioari eutsiz. Izan ere, ohitura horrek jatorria XVI. mendean du. 1555ean ekaitzak sekulako kalteak eragin omen zituen eta handik aurrera, konjuru gisa, laino beltzak ikusi orduko kanpaia jotzen omen zuten.
Bisita gidatuak eta meza
Kanpaia jotzeaz gain, San Martingo ondaregunea bisitatzeko egun aproposa da San Margin eguna. Museoa zabalik egongo da, goizez 10:00etatik 14:00etara, eta arratsaldez, 16:00etatik 19:00etara. Munibe Arkeologia Taldeak bisita gidatuak eskainiko ditu 12:00etan eta 17:00etan.
Goizean, 11:00etan, meza emango da ermitan.
