Danborradak ohiko ibilbidea izango du bihar. Gurea Pilotalekutik 22:00etan abiatuko dira danbor-jolak eta Aingeru Kaletik Kale Nagusira sartuko dira. Herriko plazan, Udal Musika Bandak lagunduta, lau pieza joko ditute. Handik Balda plazara abiatuko dira eta Balda plazan beste hiru abesti jo ostean, Julio Urkixo kalerantz joango dira taldeak. Julio Urkixon aurten ez da geldialdirik egingo eta handik, Plazaberri zeharkatu, Kale Nagusian sartu eta Herriko plaza iristen direnean beste hainbat pieza joko dituzte, bueltan pilotalekura iritsi bitartean.
Aurrez jakinarazi den moduan, aurten ez da txokolerik banatuko pilotalekuan danborrada amaitzen denean. Partaideek maskara zuzen jarrita eraman beharko dute ibilbide osoan zehar eta ezingo dute jan, edan eta erre. Horiexek dira Covida tarteko hartutako zenbait neurri. Danborradan laguntzaile lanetan doazenek maskarak eramango dituzte behar dutenei banatzeko, danbor-jolea izan edo publikoan dagoen norbait izan.
