Barrakak abenduaren 2ra arte egongo dira Azkoitian. Astelehenetik ostegunera bitartean gauez, bederatzietan itxiko dira eta ostiraletan, larunbatetan eta igandeetan gaueko hamabietan.
Abenduaren 1ean, Umeen Eguna izango da barraketan eta sarrera euro batean eskuratu ahalko da.
Berriak
Behar bereziak dituzten haurrek barrakez gozatzeko txartelak eskuragarri, udaletxean
Aurten ere Udalak txartelak banatuko ditu behar bereziak dituzten haurren artean barraketan lehentasuna izan dezaten eta ilarak saihestu. Txartelak eskuragarri daude dagoeneko udaletxeko Herritarren Arreta Zerbitzuan, astelehenetik ostiralera bitartean 7:30etik 15:30era.
Halaber, ostiraletan, larunbatetan eta igandeetan musika kenduko da barraketan 18:00etatik 19:00etara, haur batzuk ez dutelako zarata edo bolumen handia ondo jasaten.