Aipatu egunetan, Gabon Parkea goizez 11:00etatik 13:00era egongo da zabalik eta arratsaldez 16:00etatik 20:00etara. 15:00etatik 16:00tarako ordutegia behar bereziak dituzten haurrentzat gordeko da.
Gabon Parkea 1 eta 12 urte bitarteko haurrei zuzenduta dago.
Ikuskizunetarako erreserbak: Magiklown eta Organik antzezlana
Gazteriatik urtarrilaren 3rako eta 4rako antolatutako ikuskizunetarako sarrera erreserba gaurtik abenduaren 19ra bitartean egin beharko da www.elkarguneazkoitia.eus atariaren bidez.
Ikuskizunak doakoak dira. Urtarrilaren 3an, 17:00etan “Magiklown” eskainiko da eta urtarrilaren 4an, ordu berean, “Organik” antzezlana.