Patioen irekiera ordua goizeko 10:00etatik iluntzeko 21:00etara izango da. Erabilera publikoa ematen zaien egun horietan, Udala arduratuko da patioak irekitzeaz eta ixteaz, eta baita garbiketaz ere.
Edonola ere, ikastetxeek patioa erabili beharko balute, lehentasuna izango lukete.
Patioak irekita egongo dira abenduaren 24tik aurrera.
Berriak
Azkoitia BHI eta Floreaga ikastetxeetako patioak zabalik egongo dira asteburu, jaiegun eta oporraldietan
Gazteei euren aisialdian erabiltzeko espazio irekiak ahalbidetzeko xedez, Azkoitia BHI eta Floreaga ikastetxeetako patioek erabilera publikoa izango dute asteburuetan, jaiegunetan eta oporraldietan.
Beharra ikusita, adostasun horrerara iritsi da Udala ikastetxeekin eta Eusko Jaurlaritzaren Hezkuntza sailarekin.