Berriak

Udalak eta eskolek DBHko ikasleak Eskola Kirolean parte hartzera animatu nahi dituzte. Azaroan jarri zen martxan, egitasmoa adin tarte zabalago bati zuzentzea erabaki ostean. Ordura arte, Eskola Kirolean soilik izena eman zezaketen 6 eta 12 urte bitartekoek. Udalek eta ikastetxeek osatzen duten Kirol Kontseiluak adin tartea zabaltzea proposatu zuen eta Udalak onartu egin zuen. Orain, 12 eta 16 urte bitartekoek ere badute Eskola Kirola. Kirola praktikatu nahi duten ikasle guztiek horretarako aukera izatea nahi da. Balioak sustatzeaz gain, gazteak kirol kulturan heztea da helburu nagusia.