Emakumezkoen binakako Eusko Label txapelketaren final handiarako, dena prest

: Berriak; 22 Otsaila 2022

Datorren igandean jokatuko da Gurea pilotalekuan Emakumezkoen binakako Eusko Label txapelketaren finala, eta protagonista izango diren sei pilotariak Azkoitian izan dira gaur arratsaldean materiala aukeratzen. Bidelagun izan dituzte Javier Zubizarreta alkatea eta Angel Martin Kiroletako zinegotzia, emakume pilotariei babesa ematera joanda. “Finala –azaldu du alkateak- ikustera joatea animatu nahi ditut herritarrak. Maila altuko txapelketa ari dira egiten eta pilotalekura gerturatzen denak pilota ikuskizunaz gozatzeko aukera aparta izango du igandean. Kantxan eta kantxatik kanpo egiten ari diren ahaleginak eta lanak merezi du gure aitortza”.

Frontoiak emakumeenak ere badirela erakusteko jaio zen Ados Pilota eta Emakumezkoen binakako Eusko Label txapelketa da emakume pilotari profesionalen klubak antolatu duen lehen txapelketa handia.

Finalean Iturriaga-Egaña eta Zelaia-Lopez bikoteak lehiatuko dira. Promozio mailan, berriz, Rodriguez-Mondragon II eta Santos-Urriza bikoteek jokatuko dute partida.
Txapelketan punta-puntako pilotariek hartu dute parte. Lehen mailan zazpi bikote aritu dira eta promozio mailan, beste lau.

Sarrerak salgai

Finalerako sarrerak eros daitezke ondorengo loturan sartuta https://www.ticketself.com/event/bc817b8e/entradas-eusko-label-binakako-txapelketa-ados-pilota edota Udaletxean, Herritarren Arreta Bulegoan. Egunean bertan, leihatilan ere erosi ahalko dira sarrerak.

eusko label txapelketa 1rec