Izen handiak gogoratuz, kaleak festa bihurtu dira AzkoitiAzpeitiarekin

: Berriak; 26 Martxoa 2022

AzkoitiAzpeitia lasterketa zerbaitek bereizten badu, defendatzen eta sustatzen dituen baloreak dira. Kiroletik haratago, ekimen hunkigarria da, oroitzapenek protagonismo handia hartzen dutelako. Antolatzaileek bihotza jartzen dute. Gaur, beste behin, kaleak pista ez ezik, festa bihurtu dira. Atletei irteera eman aurretik, ordea, oroitzapenei egin zaie tarte. Izen handiak izan dituzte gogoan. Tamalez jada gure artean ez dauden Alejandro Gomez eta Ione Basterra omendu dituzte aurten, Diego Garciarekin batera. Familiek lore-sorta bana jaso dute. Lagun eta familiekin batera, bertan izan da Javier Zubizarreta alkatea babesa ematen.

Jesus Arrizabalagari aipamen berezia

AzkoitiAzpeitia lasterketaren antolakuntzak aipamen berezia egin dio Azkoitiko Udaleko kultur eta kiroletako teknikaria den Jesus Arrizabalagari. Sorpresaz harrapatu du protagonista. Antolakuntzak bere esker ona agertu nahi izan dio Arrizabalagari “atzean eta ezkutuan egindako lan guztiagatik”. Oroigarri bat entregatu diote. Gainera, lasterketa laburrari irteera emateko ohorea izan du Arrizabalagak.

Omenaldiari amaiera sevillar ukituarekin dantzatutako aurreskuarekin eman zaio.

azkoitiazpeitia 1rec