Izen-ematea zabalik
Tata Elkarteko kideek nahi dutena da haurrak animatzea parte hartzera, bi urteko etenaldiaren ostean, apur bat “hoztu” egin delako giroa. Momentuz 150 umek eman dute izena. Izen-ematea irekita dago nahi duenarentzat. Ohi bezala, LH2 eta DBH2 adin tartekoak aterako dira danborradan.
Entseguak ere martxan dira. Astelehenetan, asteazkenetan eta ostegunetan biltzen dira taldeak Gurea pilotalekuan, 19:00etan.
3x3 Futbol Festa
Apirilaren 22tik 24ra, Azpeitian 3x3 Futbol Festa ospatuko da, baina danborradan parte hartu nahi duten Azkoitiko haurrei ez die eragingo, egun horretan, 23an, ez dietelako azkoitiarrei partidurik ipiniko. Horrela, danborradan atera nahi dutenek ere aukera izango dute bi ekimenez gozatzeko.
Egunean bertan
Antolatzaileek jakinarazi dute egunean bertan, apirilaren 23an, danborradako partaideak 16:30ean elkartuko direla Balda plazan. Danborrada 17:00etan aterako da eta ohiko ibilbidea egingo du. Geldialdia egingo dute Umore Ona elkartean meriendatzeko.
