Lanak burutzeko aurreikusitako epea bi hilabetekoa da, baina jarduketak ahalik eta ondoen planifikatuko dira, lanek trafikoaren normaltasunean ahalik eta gutxien eragiteko.
Esku-hartze hauek udalerriko asfaltatze plangintzaren baitan sartzen dira. Helburua da egoera txarrean dauden bideak berritzen joatea urtero diru-partida bat horretarako bideratuta. Iaz asfaltatze eta pintaketa lanak egin ziren, lehenengo, Ibai Ondo 18 eta Martin Deuna kalea 5 artean, alegia, Berdura Plazako sarrera paretik Martin Deuna kaleko autobus geltokira artean. Ondoren lanei jarraipena eman zitzaien Ibai Ondo eta Altzibar kaleetan. Orduan, besteak beste, asfaltatze lanak burutu ziren Martin Deuna 2 eta Kale Nagusia 16 artean eta Altzibar Etorbidean.
