Berriak
46. Dantzari Txiki Eguna ospatuko da igandean
Kandiola Dantza Taldeak, Bizkargi Dantza Taldeak eta Txalkor Txistulari Taldeak bat egin dute beste behin eta Dantzari Txiki Eguna antolatu dute maiatzaren 8rako, datorren iganderako. 46. edizioa izango da aurtengoa eta dantzariek hartuko dituzte kaleak.
Goizeko 11:30ean elkartuko dira dantzariak eta musikariak Julio Urkixo etorbidean eta kalejiran Balda plazara hurbilduko dira. Balda plazan dantza saioa eskainiko dute 12:00etan. Handik Inazio Iriarte Margolaria kalera joango dira kalejiran, eta goiza ondo amaitzeko, Herriko plazan dantza erakustaldia emango dute eguerdiko 13:00ean.