Interesdunek maiatzaren 23a baino lehen eman beharko dute izena kultu@azkoitia.eus -era idatzita, edo 943 85 71 70 telefonora deituta. Autobuseko tokia erreserbatu aurretik, emanaldirako sarrera erosi beharko da Kursaal Elkarguneko web orriaren bidez (www.kursaal.eus).
Langabetu eta 30 urtez azpikoentzat eskaintza
Langabetuek eta 30 urtetik beherakoek sarrerak hiru eurotan erosi ahalko dituzte. Horretarako sarrera (autobuseko tokia bezala) erreserbatzea ezinbestekoa izango da (Azkoitia: 943 85 71 70). Behin erreserbak eginda, ikuskizunaren egunean bertan, interesduna Kursaaleko leihatilara gerturatu beharko da eta bere adina (Ordu Gaztea) edo lan egoera (langabetuak) egiaztatu ondoren, sarrera ordaindu.
Autobusa antolatzeko gutxienez 15 laguneko taldea osatu beharko da, bestela ekimena bertan behera geratuko da. Azkoitian, Azpeitian eta Zestoan egingo ditu geldialdiak autobusak.
“Giselle”
Dantza Konpainia Nazionalak, espainiar erromantizismoaren ikuspegitik sortutako “Giselle” balletaren bertsio berri bat aurkezten du. Obra hori ballet klasikoaren gailurretako bat bilakatu duten elementuak baztertu gabe, Giselle honetan ikusgai izango dira, halaber, escuela bolera deritzona eta espainiar tradizioak, Bécquer-en poesia iturri hartuta.