Goizean, 11:00etan, elizan egindako eraberritze lanak ikusteko aukera izango da, bertako eraberritze lanez arduratu den Sonia Sanzen eskutik. 11:30ean meza emango du Juan Maria Uriarte gotzai emerituak eta jarraian luntxa eskainiko da. Ondoren, giroa alaitzeko musika izango da. Astiazaran eta Narbaiza trikitilariak arituko dira soinu eta panderoarekin, eta bertsotan Aitor Sarriegi eta Aner Peritz izango dira.
