Udalak, Herrilab+700 parte-hartze prozesuaren baitan, galdetegia zabaldu du Azkoitiko etxe guztietan, herritarren eta eragileen proposamenak jaso asmoz. Iaz, egitasmoaren bueltan, Herri Diagnostikoa landu zen, eta aurten Herri Plana osatzea da helburua.
Behin gure herriak dituen erronkak identifikatuta, hala nola, parekidetasuna, ingurumena, trantsizio ekonomikoa, zaintza, enplegua edota etxebizitza kasu, lan eremu horiekin lotu ahal diren ekintza-proposamenak bildu nahi dira, galdetegien bidez. Finean, erakunde eta gizarte gisa ditugun erronkei guztion artean aurre egiteko ekarpenak lantzea da gakoa.
Proposatutako ekintza gai-eremuarekin lotzea eskatzen da galdetegian, eta baita eragin eremua, sustatzaileak edota partaideak zeintzuk izan beharko luketen ere, proposatutako ekintza hori gauzatzeko.
Udalak herritarrak parte hartzera animatzen ditu, eta ahalegina benetan eskertzen du.
Galdetegia betetzeko epea eta aukerak
Galdetegia erantzuteko azken eguna uztailaren 12a da. Galdetegia online bidez ere bete daiteke ondorengo estekan sartuta: http://labur.eus/182
Bestela, etxean jasotako galdetegia beteta, Liburutegian, Udaletxeko harreran edota Elkargunean horretarako jarritako buzoietan sar daiteke.
Ekarpen edo proposamenak telefonoz egiteko aukera era badago, 688648040 telefono zenbakira deitu eta hitzordua hartuta.
Galdetegia jaitsi HEMEN.
