Gipuzkoako Foru Aldundiaren Bide Azpiegituretako departamentuak datorren astetik aurrera Azkoitia eta Urretxu arteko bidegorrian mantentze lanak burutuko ditu, eta horien artean, bidegorriko tuneletako argiteria sistema berrituko du, Udalak hainbatetan eskatu bezala.
Azkoitiko erdigunea eta Aizpurutxo artean dauden hamar tuneletan konponduko da argiteria, zehazki, Aspiazu, Androndegi, Ezkidi, Igaranerreka, Igaranzubi, Etxebeltz, Aietebeondo, Azketa, Ibetete eta Aizpurutxo deituriko tuneletan. Baita, Aizpurutxotik Urretxu alderantz geratzen diren beste bost tuneletan ere, Ubola, Artetxeberri, Mandabieta, Mugarrieta eta Aietsubagon.
Bidegorria itxita
Lanek egiten ari diren bitartean, tunelak itxita egongo dira. Lanak egunez egingo dituzte astelehenetik ostiralera, 8:30etik 18:30era. Ordutegi horretatik kanpo, jaiegunetan eta asteburuetan bezala, tunelak irekita egongo dira oinezkoentzat.
Aurreikuspenen arabera, lanek pare bat asteko iraupena izango dute.
