Berriak

Udalak eskatuta, Udane Juaristi artista azkoitiarra murala margotzen ari da Aizkibel kalean, igogailu aurreko eraikineko fatxadan, hain zuzen. Aurreko astean ekin zion lanketari, eta oraindik egun batzuk beharko ditu murala amaituta uzteko. Pasagunea izanik, pertsonak agertuko dira irudian, baita Inazio Iriarte Margolaria kalea, eta kanpandorrea ere. Ez da irudi arrotza izango, inolaz ere.
Udane Juaristiren hainbat lan ikus daitezke herrian. Besteak beste, Udalaren aginduz, Berdura plazan emakume baserritarraren omenez horma-irudia margotu zuen, eta Altzibarko eraikin batean, herriko sarrera-irteeran, beste bere lan bat dago ikusgai, Azkoitiko herriaren 700. urteurrenaren atarian egina, Gorka Larrañagarenarekin batera.