Frantsesari dagokioenean, bost talde izango dira eta B1, A1, A2, B1, B2.1 eta B2.2 mailak eskainiko dira. Oinarrizko eta tarteko mailak, hain zuzen.
Alemanaren kasuan talde bat aurreikusten da eta tarteko maila, B1, eskainiko da Azkoitian.
Matrikula, elektronikoki
Matrikula elektronikoki egin beharko da https://ikasgunea.euskadi.eus loturan sartuta. Horretarako derrigorra da aurrez plataforman erregistratzea.
Matrikulazio epea irailaren 1etik 16ra bada ere, behin epe ofiziala bukatuta, epez kanpoko eskaera egin daiteke irailaren 16tik 29ra bitartean. Kasu horretan, plaza hutsak baldin badaude, bigarren esleipenean parte hartuko luke eskatzaileak.
Behin eskaera eginda eta dokumentazioa aurkeztuta, onartuen eta baztertuen behin behineko zerrenda irailaren 20an argitaratuko da eta behin betiko esleipenaren berri irailaren 23an emango da.
Behin prozesu hori gaindituta, plaza hutsen bigarren esleipena urriaren 4an egingo da.