Berriak

Azkoitiko AEK Euskaltegiak Udalarekin elkarlanean 2022-2023 ikasturtean Mintzalagun, mintzapraktika egiteko taldeak eskainiko ditu. 13. edizioa izango da oraingoa. 
Euskara praktikatu nahi baduzu, baina ez badaukazu norekin egin; edo euskalduna izanda euskaraz bizitzeko aukera berrien bila bazabiltza, hementxe duzu aukera. Giro atseginean eta lagunartean, ahalegin handirik gabe, ordutegi arazorik gabe...zeuk erabakiko duzu noiz eta nola.

Partaideak talde txikietan batzen dira; horiek osatzeko, kontuan hartzen dira parte-hartzaileen disponibilitatea, adina eta zaletasunak. Mintzakideak kafetegian, taberna edo paseoan ibiltzeko bildu daitezke. Parte-hartzaileek erabakitzen dute non eta noiz, beti lagun giroan. Edonork har dezake parte: euskararen bidea egiten ari denak, praktikaren bidez euskara hobetu nahi duenak edota euskaraz bizitzako aukera gehiagoren bila dabilenak.

Informazio gehiagorako deitu 607 612 697 / 943 857 175 edota idatzi azkoitia@aek.eus / euskara@azkoitia.eus .