Emakumeak Ahalduntzeko Ikastaroak bueltan dira, eta abian da urtarriletik ekainera bitartean gauzatuko den ikastaro sorta.
Berdintasun zinegotzi Mertxe Zubillagak ikastaroetaz egiten duen balorazioa positiboa da. “Egia esan, hainbat ikastarotan taldeak osatuta daude eta jarraitu egiten dute oso gustura daudelako egitasmoarekin. Berdintasunaren inguruko kontzientzia eta sentsibilizazioa lantzearekin batera, aisialdiaz gozatzeko aukera ematen dute saioek, eta nola ez, emakumeok geure artean gure esperientziak eta bizipenak partekatzeko espazioa eskaintzen dute. Emakumeon eta emakumeontzat sortutako topaguneak dira”.
Eskaintzaren baitan sartzen dira haurdun dauden emakumeei zuzendutako yoga ikastaroa, batukada feminista, trikotatze saioak, xilografia eta hitz-ahalduntzen.
Ikastaro guztiak gaian eskarmentu eta ezagutza handia duten irakasleen eskutik eskainiko dira.
Ikastaroetan izena emateko azken eguna urtarrilaren 31 da.
Izena eman daiteke berdintasuna@azkoitia.eus edo azkoitia@azkoitia.eus helbidera idatzita, edota 943 54 20 14 edo 943 08 00 80 telefonora deituta.
