Emakumeok Ahalduntzeko Ikastaroen baitan, Udaleko Berdintasun arloak trikotatze saioak eskaintzen ditu, eta bertan parte hartzen duten emakumeek egindako mantatxoak Saharako errefuxiatuen kanpamenduetara bidaliko dira.
Darahli elkartearen bidez egingo dute bidalketa, eta gaur jaso dituzte elkarteko kide diren Lurdes Alberdik eta bere alaba Irati Lizarraldek moratu koloreko mantatxoak. Irati Lizarralde bera Aste Santuan kanpamenduak bisitatzekotan da, beste 50 laguneko taldearekin.
Emakume taldeak ilusio handiz eman dizkio mantak elkarteari.
Darahli elkarteak urtero jaso ohi du Udalaren dirulaguntza, eta laguntza horretaz gain, kanpamenduetara Azkoitiko herriaren elkartasuna iristea da helburua.
Bihotzez egindako oparia da.
Lurdes Alberdik eta bere alabak gogorarazi dute gaur zabaltzen del Oporrak Bakean programan izena emateko, udako oporraldian kanpamenduetan jaio eta hezi diren haurrak ekarri eta etxean hartzeko.
