Urtero legez, Andramari jaiei hasiera ematen dien txupinazoa bota ondoren, “Ondo pasau Andramaixek” jotzen du Udal Musika Bandak, eta jarraian, Parrokiko eta Iraurgi Abesbatzek lagunduta, “Azkoitia” abesten dute herritarrek. Horregatik, biak ala biak, abesti maiteak dira herritarrentzat, besteak beste, une berezietan eta gogoangarrietan abesten direlako. Halaber, herriko konpositoreen lanak ezagutzera emateko bide ematen du karilloiak.
