Berriak
Dotore doaz herriko jaiak
Andramaixetako laugarren eguna da gaurkoa, eta oraingoz, dotore doaz herriko festak. Giro onean igaro dute gaurko goiza herritarrek. Gipuzkoako 12. Blonda Txapelketa ospatu da Plazaberrin, eta 40. Inazio Iriarte Margo Lehiaketako partaideak herriko txokoetan sakabanatu dira irudirik ederrena margotzeko asmoz. Trikitilariak eta dultzaineroak, eta erraldoiak eta buruhandiak kalez kale ibili dira, Herriko plaza herri kirolek hartu duten bitartean. Goiz bete-betea izan da irudietan ikus daitekeen moduan.