Aurretik ere antolatu izan diren tailerrak eskainiko dira, oso harrera ona izan dutelako partaideen aldetik. Ondorengo ikastaroetan eman ahalko da izena:
- Zoru pelbikoa indartzeko tailerra. Urriaren 19tik azaroaren 23ra. Ostegunetan, 15:15etik 16:30era.
-Batukada feminista. Urriaren 9tik abenduaren 18ra. Astelehenetan 18:00etatik 20:00etara.
- Berdintasuna trikotatzen. Irailaren 25etik azaroaren 24ra. Astelehen eta ostiraletan 15:15etik 16:45era.
- Xilografia. Urriaren 4tik azaroaren 15era. Asteazkenetan 18:00etatik 20:00etara.
-Hitz-Ahalduntzen. Urriaren 4tik abenduaren 21era. Asteazken eta ostegunetan 15:00etatik 17:00etara.
Ikastaro gehienak Elkargunean emango dira, bi ezik. Xilografiakoa Kultur Etxean izango da, eta batukadako saioak Xabier Munibe Ikastolan eta Azpeitian izango dira, txandaka.
Parte hartu nahi duten emakumeek izena eman dezakete berdintasuna@azkoitia.eus edo azkoitia@azkoitia.eus helbideetara idatzita, edota 943 54 20 14 - 943 08 00 80 telefonoetara deituta. Aurrez aurre Udaleko Herritarren Arreta Bulegoan ere eman daiteke izena.
