Matrikulazio epea irailaren 18ra arte den arren, behin epe ofiziala bukatuta, epez kanpoko eskaera egin daiteke irailaren 18tik urriaren 6ra bitartean. Kasu horretan, plaza hutsak baldin badaude, bigarren esleipenean hartuko luke parte eskatzaileak.
Matrikula online egin behar da nahitaez Ikasgunearen bitartez (https://ikasgunea.euskadi.eus/eu) eta ikasturte osorako prezioa 72,36 eurokoa da.
Azkoitian ingeleseko (B1 mailatik C1era) eta frantseseko eskolak (A1 mailatik B2.2ra) emango dira. Aurrez aurreko saioak dira. Edonola ere, ingelesean B2.2 mailan badago ikastaroa erdipresentzialki egiteko aukera. Hastear den ikasturtean, tamalez, alemana kendu egin da, aurreko urteetan ikusi delako ez dagoela nahiko eskari. Hurrengo ikasturteari begira, berreskuratzea da xedea.
Azkoitian guztira 11 talde osatuko dira, gutxi gora behera, 220 plaza eskainiz.
Informazio gehiagorako:
eoieibarheo@gmail.com / 943 89 92 75
Informazio osagarria
Matrikulazioa-egutegia