Antzerkia Txalo Produkzioak-en eskutik iritsiko da Azkoitira. Oraingoan, “Un Oscar para Óscar” antzezlana aurkeztuko dute azaroaren 4an. Jon Plazaola, Agustin Jimenez, Rebeca Sala eta Mara Guil aktoreek, Mario Hernandezez zuzendaritzapean, ondo baino hobeto jositako komediaz gozatzeko aukera eskainiko die ikus-entzuleei.
Haurrei zuzendutako hainbat hitzordu ere bada egitarauan. Urriaren 21ean, “Anbotoko Mari” antzezlanak gozatzeko parada izango dute umeek, eta azaroaren 11n, “Loti Ederra” taularatuko dute. Behin abenduan sartuta, 23an, Pirritx, Porrotx eta Marimotots etorriko dira bisitan Azkoitira.
Sarrerak eskuragarri daude www.azkoitia.eus/agenda eta www.entradium.com atarietan. Pirritx, Porrotx eta Marimototsen ikuskizunerako sarrerak aurrerago jarriko dira salgai.
