Azkoitiko Udalak babes osoa eskaini nahi dio Korrikari eta euskalduntze prozesuan AEK egiten ari den lanari. Horregatik, aurten Korrikako bi kilometro erosiko ditu baten lekuan. Eta bi kilometro horietako bat herritarren eskura jarriko du, Azkoitiko euskalzaleen lana eta ahalegina eskertzeko. Euskalzale anonimoak bihurtu nahi ditu lasterketaren protagonista Udalak, herritar anonimo horiek Korrikaren lehen ilaran jarri eta bere omenaldi partikularra eginez. Eta nola egingo du hori? Lehiaketa eta zozketa bidez. Lekukoa eta petoa eman nahi duen herritar orok izango du parte hartzeko aukera. Horretarako, piropo edo losintxa bat idatzi beharko dute Udalak Facebook-en edo Twitterren dituen kontuetan, eta parte hartzaile guztien artean zozketa bidez bi pertsona aukeratuko dira.
Beraz, badakizue, animatu eta parte hartu! Euskara erabiliaz eta euskararekin jolas eginez, Korrikari zure ekarpen eta omenaldi propioa egiteko aukera duzu. Astelehenera arte duzue mezuak bidaltzeko aukera. Orduan egingo dugu zozketa.
Sartu Facebook edo Twitterrera, bota losintxa edo piropo bat, eta zorte on! Euskararen aldeko testigua eta petoa eman eta une hunkigarria bizitzeko aukera izango duzu
Gure helbideak:
https://www.facebook.com/pages/Azkoitiko-Udala/235659203194841
