Trenbidearen Zumardiko, liburutegi inguruko, Ibaiondoko eta Bizkargiko herritarrek bildu ziren atzo "Danon Herrixe" parte hartze prozesuko hirugarren bileran. Auzo horien egoeraz eta Azkoitiko herriarenaz hitz egiten jardun zuten, eta proposamen ugari atera ziren. Besteak beste, zarataren arazoa aipatu zuten herritarrek, eta komun publiko gehiagoren beharra. Herriko gune berdeak hobeto aprobetxatzeko proposamen batzuk ere egin zituzten.
Datorren astean egingo dira 'Danon Herrixe' prozesuko hurrengo bi bilerak. Astelehenean San Martin, Floreaga, Altzibar eta Ipintzako herritarren bilera izango da, eta asteartean alor ezberdinateako talde eta elkarteena. Bi bilerak 18:30ean Elkargunean izango dira.
Bilera horietan parte hartzera deitzen ditu herrritarrak Udalak. Herritarren proposamen zehatzat jaso nahi ditu, ahal den neurrian 2013 aurrekontuetan txertatzeko, eta horretarako guztion iritzia jaso nahi du. Bileretara azaldu ezin dutenek Internet bidez ere egin ahal dituzte proposamenak Azkoitia.net bidez edo danonherrixe@azkoitia.net helbidean.
