Berriak
Xabier Munibe ikastolako jolastokia asteburu eta jai egunetan ere irekita egongo da
Espazio publikoak herritarren eskura jarri eta ahalik eta erabilera zabalena emateko helburuarekin, Xabier Munibe ikastolako jolastokia asteburu eta jai egunetan ere irekitzea erabaki du Udalak. Hala, bihartik aurrera (azaroak 24), 09:00etatik 20:00etara erabili ahalko da jolastokia larunbat, igande eta jai egunetan.
Gune publikoez gozatzera gonbidatu nahi ditu Udalak herritarrak, baina aldi berean arduraz eta gizalegez jokatzera ere bai: txukun mantendu eta zaindu dezagun gure herria denon artean.