Batzuk dagoeneko prest izango dute mozorroa eta beste batzuk, azken momentuan arakatuko dituzte ganberako armairu eta bestelakoak. Denetariko pertsonaiak nagusituko dira kaleetan ostiralean eta larunbatean. Ostirala bereziki haur eta gaztetxoei zuzendutako eguna izango da. Ikastetxeen kalejira eta merienda ostean, Oihan Vegarekin dantzaldiaz gozatzeko parada izango da arratsaldean Herriko plazan 21:30etik aurrera Disko Festa egingo da Elkargunean DJ Xabi Fest-en eskutik. Mozorro lehiaketa ere egingo dute, urtero legez.
Larunbatean, eguerdi partean, Txalkor Txistulari Elkartea, Udal Musika Banda eta Bizkargi Musika Eskolako banda txikia ibiliko dira kaleak girotzen. Arratsaldean, zumba ikuskizuna eskainiko da eta Kantu Kolore haur berbena ere izango da. Ondoren, Ilargi Beltza taldearekin dantzaldia. 00:00etan puntuan, mozorro lehiaketaren sari banaketa egingo da plazan. Bada zertaz gozatu.
Horra egitaraua:
