Azkoitia Lagunkoiak martxoan zehar KZgunean emango diren ikastaroen berri luzatu nahi du, adineko pertsonak parte hartzera anima daitezen, teknologia berriak nola erabili hobeto ezagutzeko.
Bi ikastaro antolatu dira. Bata “Smartphoneak eta tabletak. Zure Android gailua erabiltzen ikasi” izenburupean emango da eta mugikorrak nola erabili azalduko da. Ikastaroa 14 ordukoa da eta martxoaren 14tik 26ra emango da, arratsaldeko 16:00etatik 18:00etara bitartean.
“Bapateko mezularitza zure Smartphone bidez” da bigarren ikastaroa eta mugikorretik mezuak bidaltzen irakatsiko zaie partaideei. Saioak martxoaren 27an eta 28an izango dira 16:00etatik 18:00etara. Ikastaroa lau ordukoa da.
Bi ikastaroak Elkargunean eskainiko dira, bertan KZguneak duen gelan, alegia.
Ikastaroak doakoak dira. Izena emateko 943 02 36 19 telefonora deitu edo tutor.azkoitia@kzgunea.net helbidera mezua bidali beharko da.
