Azkoitiko Udalak, Azkoitia Lagunkoiak eta Plaza Ondo Jubilatuen Elkarteak pertsona nagusiei egokitutako etxebizitzen inguruko hitzaldia antolatu dute. “Etxebizitza arloa adinekoentzat lagunkoiagoa egiteko proposamenak” izenburupean, Donostia Lagunkoiaren arduradun Eva Salaberriak eskainiko du saioa.
Hitzaldia apirilaren 29an, datorren astelehenean izango da, 17:00etan, Plaza Ondo Jubilatuen Elkartean (Herriko plazan, Kultur Etxean). Irekia eta doakoa da ekimena.
Gizartearen zahartzaroak dakartzan erronka berrien aurrean erantzun berriak bilatu behar dira. Etxebizitza da Azkoitia Lagunkoia aztertzen ari den esparruetako bat eta horren harira, etxebizitzaren arloan egon daitezkeen aukerak edo etorkizunera begira jorratu beharreko planteamenduak izango ditu hizpide Salaberriak.
