Parke estalia guztiz erabilgarri dago jada gaur arratsaldeko inaugurazio ofizialaren ostean. Javier Zubizarreta alkatea izan da bertan eta jolas eremua estreinatu duten haurren gozamenaren lekuko izan da. Ana Azkoitia eta Miguel Angel Bastida zinegotziek lagunduta, alkateak haurrei parkearen inguruko iritzia galdetzeko ere aprobetxatu du. Nobedadea izaki, goraino beteta dago parkea zenbait ordutan.
Erabiltzaileak, hau da, Xabier Munibe Ikastolako, Floreaga Ikastetxeko eta Bizilore Eskola Aktiboko ikasleak izan dira parkeko ekipamendua edo jokoak aukeratu dituztenak bozketa bidez eta orain jolastea eta gozatzea tokatzen da.
Parkeak egokitutako gune bat du, ume guztiek izan dezaten gunea partekatzeko aukera.
Parke estaliaren aurrekontua 149.374,51 eurokoa da.
