AEK-k jakinarazi duenez, irailak 14an, ikasleen festa egingo dute “Hamaika ikasteko jaioak gara” lelopean. Aurten ikasturtea festa batekin hasiko dute. Azkoitiko AEK-k 11 urte egin dituela aitzakia hartuta, urte hauetan guztietan ikasle izan direnak elkartuko dituen festa antolatzen ari dira. Ikasleen festa bada ere, herritar oro gonbidatuta dago festara. Hauxe izango da egitaraua:
Goiz osoan zehar, sentimenduen txokoan idazteko aukera.
11:00etan: Mintzodromoa plazan (izena eman behar da, irailaren 11 baino lehen).
12:30ean: Kidam magoaren saioa Kontzejupen.
12:00etan: paella lehiaketa Berdura Plazako arkupeetan (izena eman behar da, irailaren 11 baino lehen).
14:30ean: bazkaria.
Irailaren 17an berriz, AEK-ko klaseak nolakoak diren probatu nahi duten jubilatuek aukera izango dute aurten eta doan. Irailaren 17an, 11:00etan eskola ordu bat eskainiko dute Plaza Ondo jubilatu elkartean. Parte hartzeko, aurrez izena eman behar da Plaza Ondo Jubilatuen elkartean bertan edo Azkoitiko AEKn.
Informazio gehiago:
azkoitia@aek.eus / 943 15 10 89 - 607 61 26 97