Gazteei euren emantzipazioan eta autonomian laguntzeko Udalak diru-laguntza ildo bat du alokairuaren ordainketarako. Diru-laguntza hauek eskatzeko azken eguna irailaren 10a da.
Diru-laguntza hauek 18 eta 35 urte bitarteko gazteek eska ditzakete euren ohiko bizilekua izango den etxebizitzaren alokairua ordaintzen laguntzeko.
Diru-laguntza jasotzeko etxea errentan hartuta izan behar da edo alokairu kontratua 2020ko irailaren 10a baino lehen indarrean egon beharko du. Laguntza gutxienez hamabi hilabetetako alokairua ordaintzeko izango da.
Halaber, etxebizitza partekatzen duten gazte guztiak izan ahalko dira onuradunak, baldin eta errentamendu-kontratua denek sinatzen badute banan bana. Kasu horretan, eskatzaile bakoitza bizikidetza unitate independentea dela ulertuko da eta kontratua sinatu duten guztien artean hainbanatuta konputatuko da errenta.
Eskatzaileentzat derrigorrezkoa da aurretik Eusko Jaurlaritzaren Gaztelagun programako laguntza-eskaera egina izatea.
