Gaur jarri ditu Udalak salgai datozen egunetan saltoki ezberdinetan trukatu ahalko diren erosketa bonuak. 1.000 bonu atera dira eta gaur egunean zehar Kontzejupean eskuratu ahalko dira, goizez 13:00era bitartean eta arratsaldez, 17:00etatik 19:00etara. Gaurtik online ere eros daitezke bonuak www.azkoitia.eus atariaren bidez edo zuzenean www.dendago.com/azkoitia loturan sartuta.
Bakoitzak gehienez bi erosketa bonu erosi ditzake eta bonu bakoitza sektore ezberdinetan erabili daitezkeen 10 euroko sei txartelek osatzen dute.
Bonu bakoitza 40 eurotan erosi daiteke eta 60 euroko balio du.
10 euroko txartel bakoitza kolorearen arabera sektore batean edo bestean trukatu daiteke. Hori horrela egin da kontsumoa sektore bakar edo gutxi batzuetan kontzentratzeko arriskua saiheste aldera eta bonuak ahalik eta salgoki gehienetara iristeko.
Bonuak merkataritza eta ostalaritzako establezimenduetan eta beste hainbat zerbitzutan erabili daitezke. Horretarako azken eguna urtarrilak 5 izango da.
