Berriak

Udaleko brigada Urola ibaiaren eta herriko erreken garbiketa lanetan aritu da azken egun hauetan eta tristea den arren, era guztietako hondakinak jaso dira. Kopurua ere ez da makala. “Ikusten da gizartean oro har ingurumenarekiko ardura geroz eta handiagoa dela, baina zerbaitek huts egiten jarraitzen du ibaitik eta erreketatik hainbeste hondakin ateratzen denean. Hobeto zaindu behar dugu ingurunea”, dio Ingurumen zinegotzi Imanol Arrizabalagak.
Udalak Urola ibaia garbitu du eta Egino, Atano eta Katuin errekak ere bai. Herritik zeharkatzen den tartean eta Aizpurutxo parean ere egin dira garbiketa lanak.