Ibilgailuek ezingo dute Aingeru kaletik Floreaga auzora sarrera-irteerarik egin. Floreaga auzora sarrera-irteerak Santa Klara-Auzmendi bidea-Zuazola kaletik barrena egin beharko dira.
Halaber, Correos-en egoitzatik Floreaga alderantz doazen ibilgailuek ezkerrera hartu beharko dute nahitaez, Oteiza frontoietarantz, eta ezingo dute gora, Floreagara zuzenean sartu. Noranzko bakarra izango du Aizkibel kaleak.
Floreagan, Zuazola kalea eta Aizkibel kalearen arteko gurutzebidean moztuko da zirkulazioa bai ibilgailuentzat, bai oinezkoentzat. Autoak Zuazola kalerantz bideratuko dira eta oinezkoak ere, herrigunera heltzeko, Zuazola kaletik barrena pasa beharko dute eta Inazio Iriarte Margolaria kalera jaitsi, Xabier Munibe Ikastola gainetik, hain zuzen.