Datorren igandean, uztailaren 25ean, bisita gidatua egiteko parada izango da, Iraurgi Berritzenen eskutik. “Azkoitiko San Martin eta Baldako Santa Maria, Gipuzkoako hiribildu baten oinarriak” goiburupean antolatutako bisita da eta parte hartu nahi dutenek goizeko 11:00etan dute hitzordua, Santa Maria Parrokiaren parean.
Bisita doan da baina beharrezkoa da aurrez izena ematea bailarako turismo bulegoan 943 15 18 78 telefonora deituta edo i-loiola@urolaturismo.eus helbidera idatzita.
Bisitak bi orduko iraupena izango du, Vicente Davilaren gidaritzapean.
Gipuzkoako hiribildu baten oinarriak
Erdi Aroko lehen mendeak ziurgabetasun garaiak izan ziren Euskal Herrian. Garai hartako aparteko lekukoak dira Azkoitiko San Martin ermitan aurkitutako aztarna arkeologikoak eta Baldako Santa Maria parrokia zaharra, Gipuzkoako hiribildu baten oinarriak eta horiexek bisitatuko dira igandean.
