Uda osteko lehen bilera izango da aste honetakoa eta helburua da urte amaiera arteko jarduerak diseinatzea eta antolatzea, egitaraua osatzearekin batera.
Berriak
Hike eizan! egitasmoaren talde eragileak bilera irekia deitu du asteazkenerako
Azkoitian hitanoa sustatzeko xedez abian jarritako Hike eizan! egitasmoaren talde eragileak bilera irekia deitu du asteazken honetarako, irailaren 22rako. Bilkura Elkargunean (Oteiza aretoan) izango da 19:00etan.
Hitanoa indartzeak erabiltzaile kopurua handitzea eskatzen du eta horretarako, zenbat eta ahots gehiago batu, hobe. Hitanoaren aldeko apustua egin nahi duen orok har dezake parte proiektuan guztiz irekia delako. Taldekideek egitasmoan murgiltzera animatu nahi dituzte herritarrak.