Gerritik behera lesioren bat dutenek ere erabil dezakete, esaterako, gurpil-aulkia erabiltzen dutenek.
Elkarguneko gimnasioan Kranking-a bezala ezagutzen den aktibitatea praktikatzeko aparatu berria ipini dute. Kranking-arekin gorputzaren goiko partea lantzen da, eta beraz, gerritik behera lesioren bat dutenentzat ere aproposa da, esaterako, gurpil-aulkia erabiltzen dutenentzat. Horixe da Mikel Etxaniz herritarraren kasua eta atzo estreinatu zuen aparatua.
Helburua da apurka-apurka gune amankomunak gero eta inklusiboagoak egitea eta aparatu berri horrek horretan ere laguntzen du.
Aparatua erresistentzia kardiobaskularra eta muskularra garatzeko diseinatua da, eta besoak, sorbalda eta abdominalak lantzeko balio du. Bizikletaren antzeko mugimendua egiten du aparailuak baina eskuekin erabiltzen da eta gorputzaren beheko parteak ez du eragiten.
