Kodeka Teknologia lantegiak astearteetan eskainiko dira 17:15etik 18:45era; Marrazketa saioak astelehenetan izango dira eta arteterapiarenak, ostegunetan, ordu berean.
Izena www.elkarguneazkoitia.eus web orriaren bidez eman beharko da. Norbaitek laguntza behar izanez gero, Gazteria Zerbitzuaren bulegoan eska dezake.
Gazteria Zerbitzua, Artxamendi Topalekua eta Abarketatxo Ludoteka
Gazteria Zerbitzuak irailaren 19an emango dio hasiera aurtengo ikasturteari. Egun berean irekiko da Artxamendi Topalekua.
Artxamendi Topalekua DBH1 eta DBH4 adin tarteko gaztetxoei zuzenduta dago. Asteartetik ostegunera 16:30etik 19:30era egongo da zabalik; ostiraletan 16:30etik 20:00etara eta larunbatetan, 16:30etik 19:30era.
Abarketatxo Ludoteka HH4 eta LH6 adin tarteko haurrei zuzendutako Zerbitzua da. Ludotekarako izen-ematea irailaren 12an zabalduko da eta ludotekan bertan eman beharko da izena. Astelehen eta asteazkenetan HH4 eta HH5ekoei zabaltzen zaizkie ateak; astearte eta ostegunetan LH1 eta LH3 artekoei, eta ostiraletan LH4 eta LH6 bitartekoek dute ludotekaz gozatzeko aukera.
Informazio osagarria HEMEN