Berez, hiztegitxoa adineko pertsonen zaintzaile erdaldunei laguntzeko ideiarekin sortu zen. Mendekotasuna duten pertsonen zaintzaileen artean, gehiengoa emakume atzerritarra da, euskara ulertzeko eta hitz egiteko gaitasunik ez duena. Horrek adin nagusiko pertsonarekiko harremana zaildu ez dezan, egunerokotasunean gehien erabiltzen diren hitzen hiztegitxoa osatu zen.
Besteak beste, agurtzeko moduak, oinarrizko kontzeptu batzuk, asteko egunak, zenbakiak eta orduak, koloreak edota eguraldiari lotutako esamoldeak jasotzen ditu.
Ikusita euskaraz ez dakien edonorentzat lagungarria izan daitekeela argitalpena, gaur Helduen Heziketa Iraunkorreko zentroan aurkeztu dute Euskara saileko arduradunek.
