Berriak
Liburutegia ipuin kontalari bila
Liburutegia ipuin kontalari bila dabil: badaki herrian badirela umeei ipuinak eta ixtorioak kontatzeko abilezia eta gogo berezia duten herritarrak eta horretarako aukera zabaldu nahi die. Guraso, hezitzaile, heldu, gazte... interesaturik legokeen edonorri liburutegia irekiko zaio, haurrei ipuin eta ixtorioak kontatzeko. Bailarako beste zenbat herritan egin dute jada ekimen hori, eta benetan aberasgarria dela ikusi dute herri horietan: orain, gurera ekarri eta Azkoitian ere martxan jartzea nahi da. Herritar guztiak animatu nahi ditu liburutegiak parte hartzera: etorri, kontatu zure ipuinak eta gozatu umeekin. Interesatuek liburutegian eman behar dute izena: 943 85 08 98.
Autonomo gisa lanean hasi nahi dutenentzat jardunaldia antolatu du Iraurgi Lantzenek
Autonomoei zuzendutako jardunaldia antolatu du Iraurgi Lantzenen. Negozio ideia bat dutenei, autonomo gisa hasteko asmoarekin dabiltzan pertsonei, orain gutxi autonomo jarri direnei, merkaturatzeko aukera bat dela aztertzen ari direnei, eta orokorrean, interesa duen edonori zuzenduta dago, eta maiatzaren 6an izango da, 15:00etatik 16;30era. Helburua da autonomo izatearen inguruko dudak argitu eta lan merkaturatzeko aukera bat bezala aurkeztea. Izena emateko: 943 85 11 00 telefonora deitu edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera e-maila bidali.
Asteburuan, Floreagako festak
Udaberriarekin batera, hasi dira auzoetako festak loratzen eta asteburu honetan Floreagara iritsiko dira. Mus txapelketa, umeentzak jolasak, puzgarriak, Krossa, herri bazkaria... ekitaldi ezberdin ugari egingo dira bihartik maiatzaren 1era bitartean. Auzotarrek herritar guztiak gonbidatzen zaituzte bertaratu eta festaz gozatzera. Hemen egitarau osoa
Ingurumeneko diru-laguntzak eskatzeko epea zabalik
Ingurumen sailak urtero ematen dituen diru-laguntzak eskatzeko epea zabalik dago jada. Irabazi asmorik gabeko erakundeei eta taldeei ematen zaizkie diru laguntza horiek, ingurumenarekin lotutako zenbait programa eta jarduera egiteko. Izena emateko epea maiatzaren 23an amaitzen da eta oinarriak eta eskaera orria hemen dituzue.
Axiri merkatal gunean gehienez ordu eta erdiz aparkatu ahalko da
Axiri merkatal gunearen inguruan sortzen zen auto anabasa kontrolatzeko asmoz, gune horretako aparkalekua arautzea erabaki du Udalak. Hemendik aurrera, gehienez ordu eta erdiz aparkatu ahalko da gune horretan. Hori adierazten duten seinaleak jarri dituzte jada, eta arau hori errespetarazten hasi da Udaltzaingoa.