Berriak
Bailarako Aniztasun Kulturalaren astea egingo da Azkoitian, astelehenetik aurrera
Azkoitiko Aniztasun Kontseiluak eta Xirikatzen Azkoitiko kultur mahaiak bi jai berezi antolatu zituzten iaz: Aniztasun Jaia eta Azkoitiko Kultur Astea. Bakoitzak bere aldetik, Azkoitian dagoen aberastasun kulturala plazaratzeko ahalegin berezia egin zuten, herritarrei eskaintza interesgarria eskainiz. Aurten pausu bat gehiago ematea pentsatu dute: ekimena elkarrekin antolatu eta bailara osora zabaltzea. Hala proposatu zieten Azpeitia eta Zestoako udalei, eta biek proposamenarekin eta asmoarekin bat egitea erabaki dute. Horrela sortu da IPAKA 2013, Izarraizpeko Aniztasun Kulturalaren Astea. Astelehenean hasiko da, eta astebetez, egunero, ekitaldi kultural ezberdinez gozatzeko aukera eskainiko du herrian.
Asteazkenean, hondakin bilketa eredu ezberdinak aztergai
Hondakinen lan taldearen 3. saioa asteazkenean (maiatzak 8) izango da eta bertan hondakinak biltzeko sistema ezberdinak aztertuko dituzte. Izaskun Txintxurreta, Astigarragako Ingurumen teknikaria; Begoña Rodriguez, Zarauzko Ingurumen Teknikaria; eta Danel Etxeberria Itsasondoko zinegotzi ohia izango dira hizlari, eta euren herrietan ezarri dituzten bilketa sistema eredu ezberdinak azalduko dituzte. Saioa 18:30ean hasiko da eta herritar guztiak daude gonbidatuta.
'Irria' aldizkariaren 8 harpidetza zozketatuko ditu Udalak
Irrien Lagunak klubaren Irria aldizkaria produktu komunikatibo eta hezitzaile oso kalitatezkoa iruditzen zaio Azkoitiko Udalari eta horregatik kazeta hori sustatzea erabaki du.
Hala, herriko ikastetxeei, anbulatorioari, AEKri, musika eskolari eta ludotekari urtebeteko harpidetzak ordainduko dizkie (10 zenbaki). Horrez gain, 3-9 urteko umeek dituzten familien artean urtebeteko 8 harpidetza zozkatuko ditu. Lehiaketan parte hartzeko nahikoa izango da honakoa egitea: Irrien Lagunen klubeko hiru pertsonaien izenak eta deskripzio txiki bana idatzi udalaren Facebook edoTwitterrean; edo bidali e-mail bidez Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera, edo utzi udaletxeko harrera bulegoan horretarako jarriko den kaxan maiatzaren 15a baino lehen.
Larunbatean liburu azoka egingo da
Larunbatean (maiatzak 4), Liburu Azoka egingo da Kontzejupean, Aizkibel udal liburutegiaren eta Abarketatxo ludotekaren eskutik. 11:00etatik aurrera, haurrek liburu bat jasoko dute marrazki baten truke eta heldu eta gazteek ere bai, liburutegiko bazkide egiten badira. Liburuak trukatzeko aukera ere egongo da.
Gerolan programa aurkezten ari dira ikastetxeteetan
Loiola Berrikuntza - Ezagutza Gunea sarearen Gerolan programa eskualdeko ikastetxeetan aurkezten ari dira, DBH4 eta BHI2 mailetan. Bost ikastetxeetako 280 bat ikaslek hartuko dute parte prozesuan.
Helburua da bailaran gaur egun dagoen egoera sozioekonomikoaren berri ematea (langabezi tasa, ehun ekonomiko nagusiak...), eta horrez gain, eragile desberdinak ezagutaraztea da (udaletxeak, enpresak, ikastetxeak, garapen eragileak...). Eskualdeko etorkizunari buruzko erronka eta aukera desberdinen inguruko informazioa errazten da, edozein ikasketa edo lanbide aukeratzerako orduan baliagarri zaien informazioa eskuartean izan dezaten.
Larunbat goizetarako plan bereziak antolatu ditu Artxamendik
Maiatzeko eta ekaineko larunbat goizero plan bereziak izango dituzte herriko gazteek. Artxamendi Gazte topalekuak mendi irteerak, hondartzara txangoak, argazki rallyak... denetarik antolatu ditu, guztia ere aire librean. Larunbat honetan (maiatzak 4) bertan izango da aurrenekoa: Attolara mendi ibilaldia egingo dute. Herriko gazte guztiak daude gonbidatuta, beraz, gerturatu Artxamendira eta eman izena! Hemen duzue egitaraua.
Aniztasun kontseiluak etorkinen inguruan herrian dauden zurrumurruak argitzeko bideari ekin dio.
Azkoitian bizi diren etorkinen inguruan zurrumurru eta iritzi oker ugari dago eta horrek hainbat errezelo sortzen ditu herrian. Horri buelta eman asmoz, azterketa bat egitea erabaki zuen Aniztasun Kontseiluak: hala, azken asteotan herrian dauden zurrumurruak biltzeko inkesta bat egin du eta orain informazio hori aztertu eta lantzen hasiko da. Inkestaren arabera honakoak dira Azkoitian gehien entzuten diren zurrumurruak: 'Etorkinak gizarte-laguntzei esker bizi dira, ez dute integratu nahi'; 'Gehiegi dira eta ezin ditugu gehiago onartu';, eta azkena, 'Neurriz kanpo erabiltzen dute euskal osasun-sistema eta larrialdi zerbitzuak kolapsatzen dituzte'. Zurrumurru horiek aztertu eta lantzeko, Gipuzkoako SOS Arrazakeria-koekin hiru tailer egingo dira orain eta Aniztasun Kontseiluak parte hartzera deitu nahi ditu herritarrak. Izena aste honetan eman behar da.
Nazioartekotze prozesuetarako prestatzen
Urola erdiko Enplegu Planaren barruan, martxan da jada bailarako langabetuentzat "Kudeaketa komertziala eta internazionalizazioa" formazio ikastaroa. Lanbidek finantziaturiko ikastaro hori Loiola Berrikuntzaren Azkoitiko eraikinean hasi zen apirilaren 22an, eta Loiola Berrikuntza eta Gipuzkoako Merkataritza Ganbera elkarlanean ari dira ematen.Bestalde, 2013. ekitaldirako Nazioartekotzeko Beken Programa deialdia ere egin nahi du Loiola Berrikuntzak: beka horiek eskatzeko epea irekita dago maiatzaren 20ra bitartean. Informazio eta xehetasun gehiago: 943 85 40 11 / 620 04 88 97 edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..