Berriak
Hil arte bizi obra ikusteko sarrerak salgai daude jada
Txalo konpainiaren 'Hil arte bizi' antzezlana ikusteko sarrerak dagoeneko salgai daude. 12 euro kostatzen da sarrera eta goizez udaletxeko kultura sailean edo arratsaldez Gurea pilotalekuan eros daitezke. Emanaldia larunbatean izango da (29an), 22:00etan, Baztartxon.Udaltzaingoa asto baten jabe bila dabil
Gaur (asteazkena, hilak 26) asto bat agertu da Azkoitian (kalean) eta udaltzaina bere jabearen bila dabil. Beraz, norbaiti asto bat falta bazaio, Udaltzaingora jotzeko eskatzen zaio, haiek jaso baitute aberea.
2013an bono familiarra egin nahi dutenek urtarrilaren 15a baino lehen jakinarazi beharko dute Elkargunean
Elkargunea Azkoitiko Udalarentzat zama ekonomiko ikaragarria izan arren, ahalegin berezia egin eta 2013rako tasetan erabiltzaileentzat beherapen batzuk egitea erabaki zuen iragan hilean udal gobernuak. Urte berriarekin batera sartuko dira indarrean tasa berri horiek, eta horri esker, besteak beste familia bonoa egiten dutenek prezio hobeez gozatzeko aukera izango dute. Izan ere familiarteko bonoa merkatuko egingo da, eta orain arte 500 euro + BEZa kostatzen zena 2013tik aurrera 380 euro + BEZa kostatuko da. Horrez gain, 17 urtez azpiko seme-alaben adinean ez da bereizketarik egingo eta familiarteko bono bakarra egongo da.Bi gurasoak langabezian dauden kasuetan, berriz, %25eko hobaria egingo da familia arteko bonoan. Bono egin nahi dutenek urtarrilaren 15a baino lehen jakinarazi beharko dute Elkargunean.
Xabier Oroz, NHO dekorazioa eta Oihane Fernandez, urteko onenak
Aizkibel liburutegia, 24, 25, 31 eta 1ean itxita
Aizkibel liburutegia abenduaren 24, 25 eta 31an eta urtarrillak 1 eta 5ean itxita egongo da. Bestelako egunetan, goiz eta arratsaldez zabalik, eta abenduak 29 larunbata goizez irekita, ohiko ordutegian.Floreaga Zaharko aparkalekuan ezingo da aparkatu 25etik 30era.
Floreaga Zaharren azken urteotan barrakoiak egon diren aparkalekuan ezin izango da ibilgailurik aparkatu abenduaren 25etik 30era bitartean, egun horietan plazan egingo den Gabonetako azokako partaideek aparkatuko baitute bertan.
Elkarmedia enpresak Bidean ziurtagiria eskuratu du
Elkarmediak Azkoittixen Bai Euskarari! programaren barruan Bidean ziurtagiria jaso du. Argazkian, Robert Gutierrez Ziurtagiria Elkartekoa, Jose Antonio Sudupe Elkarmediako kidea, eta Agurtzane Epelde Azkoitiko Udaleko Euskara zinegotzia agiri dira, ziurtagiria entregatzen. Bidean ziurtagiria programa horretako lehen mailako ziurtagiria da: ondoren datoz Zerbitzua Euskaraz maila eta Zerbitzua eta Lana euskaraz maila.
